Sanaysay: Kamalayan ukol sa SONA | By Jhanellah Basinal

Ano nga ba ang SONA? Ito ang tinatawag 

natin na State of the Nation Address. Ito ay napakahalagang gampanin ng isang nailahal na pangulo ng ating bansa na kung saan nagkakaroon siya ng taunang talumpati at ito ang nagiging daan upang maipahayag niya sa kaniyang bayan kung ano ang estadong pang-ekonomikal, pulitikal o pang-sosyal sa kaniyang pinamumunuan na bansa at maaari rin na maipahayag niya dito ang mga problema o suliranin at kung paano niya ito masosolusyunan. Napakahalaga ng SONA hindi lamang upang maibahagi ng ating presidente ang mga magaganda niyang proyekto kundi upang mahusgahan natin siya kung naisasagawa niya ng maayos ang mga ipinangako niya sa kaniyang mamamayan at bansa. Dito natin makikita kung may pag-usad ba talagang nangyayari sa ating bayan o wala. Ito rin ang nagiging tulay upang tayo’y mamulat sa totoong nangyayari sa ating paligid. Kaya ang masasabi ko lamang ay ito’y napakahalaga sa isang bansa dahil nagkakaroon tayo ng kamalayan hindi lamang sa ating sarili kung hindi pati na rin sa ating kapwa at kapaligiran. Ang kamalayan na ito ay napakahalaga upang hindi lamang ang pangulo ang kumilos upang mapaunlad ang ating bansa kung hindi pati na rin ang kaniyang mga mamamayanang Pilipino.